Reiki þjálfun.

Þeir sem fara í Reiki þjálfun eru stilltir inn í lífsorkuna með “vígslum”. þ.e. framkvæmd sem hreinsar orkubrautir viðkomandi. Því er trúað að einstaklingurinn hafi meðfædda eiginleika til heilunar og að með þjálfun sé hægt að virkja lífsorkuna á áhrifaríkari hátt. Vígslurnar gera þennan farveg þannig að hvorki blandast við heilunina þau tilfinningalegu vandamál sem veitandi hefur við að stríða né að einkenni sjúklings flytjist til veitandans. Tvöfaldur árangur er af Reiki fyrir veitandann; í fyrsta lagi fær hann sjálfsheilun og í öðru lagi vinnur það á gömlum tilfinningavandamálum á mildan og ákveðinn hátt, án þess að hafa nokkur áhrif á sjúkling.

Skilyrði.

Reiki er ekki trúarbrögð og krefst ekki að nemandinn aðhyllist nein sérstök trúarbrögð til að vígslur skili árangri. Einungis þarf nemandi að vera með opinn huga, hann sé jákvæður og vilji nýta innri heilunar eiginleika sinn.

Reiki upplifun.

Reiki er einhverskonar ráðgáta fyrir flest fólk, vegna þess að það virðist ganga í berhögg við allt sem okkur hefur verið sagt. Oftast er spurt “hvernig getur þú kennt eitthvað í líkingu við heilun á einni helgi”?  Staðreyndin er sú, að við erum öll heilarar – sem börn mjög góðir, en í uppvextinum verða hugsanir og tilfinningar til trafala, sem sagt, heilunarhæfileikar okkar minnka.
Með vígslum og þjálfun eru orkurásir hreinsaðar og lagaðar þannig, að heilunarorkan fer hvorki um hugsun né tilfinningar veitandans heldur fer til sjúklings hrein og óbreytt.

Reiki námskeið.
Á meðan námskeiðið varir, er tiltölulega mikill tími tekinn til heilunaræfinga. Nemandi þjálfast mest við að veita heilun sjálfum sér eða öðrum. Það eru þrjú stig þjálfunar í Reiki og er hvert um sig sjálfstætt, það er því ekki nauðsynlegt að taka öll stigin.

Fyrsta stig
Er grunnurinn að Reiki heilun, allar heilunarrásirnar í nemanum eru samræmdar. Alheimsleg heilunarorka er leidd um nemandann með vígslum. Þetta stig er fullkomið í sjálfu sér og veitir nemanum hæfileika til sjálfsheilunar og til að deila þessari orku með öðrum (vinum og vandamönnum).

Annað stig
Er fyrir þá sem vilja vinna við að veita Reiki meðferð sem og að öðlast dýpri skilning og meiri ábyrgð gagnvart Reiki. Þetta er gert með fleiri vígslum og kennslu heilunartákna. Þetta stig gerir Reikiveitandanum kleift að nota fjarheilun.
Fyrsta og annað stig fullkomna heilunarfarveginn innan nemandans og ef þér óskið ekki að kenna Reiki, er frekari námskeiða ekki þörf.

Þriðja stig
Þriðja stig er fyrir þá sem vilja halda áfram og verða færir um að veita öðrum kennslu og þjálfun í Reiki.

aftur á forsíðu