Síðast uppfært 4.febrúar 2007.

Eins og greinilega sést á þessum síðum þá eru hundar aðaláhugamál fjölskyldunnar og þessi vefur

því að mestu tileinkaður þeim, en við eignuðumst okkar fyrsta hund árið 1992 eftir miklar pælingar

um hvaða tegund ætti að velja.

Labradortíkin Perla sem þá var fjögurra mánaða varð fyrir valinu og átti svo sannarlega eftir að vinna

hug og hjörtu allra sem umgengust hana þau tæpu 11 ár sem hún lifði.

Um tíma áttum við blendingstíkina Tönju sem því miður reyndist heilsutæp og ekki var umflúið að fara

með hana rétt tveggja ára gamla og láta svæfa hana.

Núna eru á heimilinu tveir hundar en það er Chihuahuastrákurinn Prins og Dobermanntíkin Myrra

en Dobermann er sú tegund sem hefur heillað okkur hvað mest á undanförnum árum og eftir að

við fengum tækifæri til að kynnast tegundinni var ekki aftur snúið.

Dobermann er í eðli sínu afskaplega ljúfur og blíður hundur ásamt því að geta verið afbragðs varðhundur

ef á það reynir enda er hann mjög næmur á það hvenær alvara er á ferðum.

Hann er einnig afskaplega húsbóndahollur og er aldrei ánægðari en þegar hann er annað hvort að "vinna"

fyrir húsbónda sinn eða liggur við fætur hans (helst ofan á honum ef hann má)

Þetta er alls ekki hundur fyrir hvern sem er en mikilvægt er að þeir sem fá sér þessa tegund hafi

einhverja reynslu og þekkingu á hundum, eðli þeirra og þjálfun,  ásamt því að hafa góðann tíma og

aðstöðu en Dobermann er öflugur hundur sem þarf mikinn tíma í þjálfun, hreyfingu og örvun við að

leysa hinar ýmsu þrautir.

Vonandi hafa einhverjir gaman af að fletta í þessum myndum og endilega kvitta í gestabókina.

Kveðja Ingvar og Margrét.