http://wayback.vefsafn.is/wayback/20090422214917/http://frontpage.simnet.is/jommi/

                                       Sjá að öðru leyti skýringar hér að neðan.
 

                                   Vefurinn hættir !

06.07.2009

Það var um mitt ár 2002 sem mér datt í hug að prófa að setja nokkra söngtexta með gítargripum, sem ég átti í fórum mínum, á veraldarvefinn til að leyfa öðrum að njóta.  Síðan þá hefur mikið vatn runnið til sjávar hvað varðar tækni og framsetningu vefja af þessu tagi, en þessi vefur hefur ekki fylgt þeirra þróun. 

Um mitt ár 2006 hætti ég í raun að uppfæra vefinn  og með tilkynningunni hér á undan, frá 17.12.2006, gaf ég í skyn að ég myndi líklega ekki uppfæra vefinn frekar.  Ég ákvað þó að hafa hann opinn eitthvað áfram til að gefa notendum tækifæri á að nýta sér efnið.

Ég hef nú ákveðið að hætta með vefinn, a.m.k. að sinni, enda gott aðgengi orðið að öðrum textavefjum, bæði innlendum og erlendum, sem margir hverjir eru mun fullkomnari hvað tækni og framsetningu varðar.  Þar má t.d.  nefna gagnvirkni, en notendur geta skráð sig inn á þessa vefi, bætt sjálfir við textum með gítarhljómum og búið til sínar eigin söngbækur svo eitthvað sé nefnt.  Í því sambandi vil ég t.d. nefna  vefinn Gitargrip.is sem m.a. hefur samið við STEF um greiðslur á höfundarréttargjöldum fyrir notkun söngtexta sem er að finna á þeirri síðu.

Ég vil að lokum nota tækifærið og þakka notendum Söngtextasafnsins  fyrir samstarfið í gegnum tíðina og þá ekki síst þeim sem sent hafa mér efni, ábendingar og/eða leiðréttingar í gegnum tíðina.                                            

Kær kveðja,

Jómmi
 

Prófið Gitargrip.is