Tónlistarmeðferð - Tónræn myndleiðsla

Forsíða     Ýmislegt fróðlegt     Músikþerapía     GIM

Hvað er músikþerapía?

Músikþerapía er meðferð þar sem eiginleikar tónlistarinnar eru notaðir til að vinna með líkama og sál. Tónum, hljóðum og hreyfingu er beitt til að auka vellíðan, viðhalda og þróa andlega og líkamlega heilsu og getu.

lesa meira

Hverjir geta nýtt sér músikþerapíu?

Músikþerapía hentar öllum óháð aldri eða getu. Ekki er nauðsynlegt að kunna á hljóðfæri eða þekkja tónlist til að geta nýtt sér músikþerapíu. Allir eru í eðli sínu músikalskir þar sem þetta snýst um að láta tónlistina hafa áhrif á sig og hrífast af henni.

lesa meira

Mismunandi stefnur og aðferðir

Innan músikþerapíunnar finnast margar stefnur og aðferðir. Í raun er hægt að finna músikþerapista sem vinna eftir flestum stefnum sálfræðinnar. Mismunandi "skólar" innan músikþerapíunnar hafa jafnan þróast út frá starfi frumkvöðla sem hafa unnið með ákveðinn hóp skjólstæðinga svo sem fatlaða eða geðsjúka. Í dag má finna flesta hópa skjólstæðinga innan raða hverrar stefnu. Margir músikþerapistar hafa líka tileinkað sér aðferðir frá mismunandi skólum og gert að sínu.

          lesa meira

Saga músikþerapíunnar

Skrif um áhrif tónlistar á líkama og sál finnast frá því í fornöld. Heimildir og tilvísanir í notkun tónlistar til læknandi áhrifa á fólk finnast víða og í flestum samfélögum. Þekkt dæmi úr Biblíunni er frásögnin af Saul og David (1. bók Samúels, kafli 16). Ekki síður þekkt er goðsögnin um Orfeus.

lesa meira

Nám í músikþerapíu

Í dag er allt nám í músikþerapíu háskólanám og víða er krafist mastersgráðu til að mega starfa. Nám í músikþerapíu er kennt víða, m.a. á Norðurlöndunum, Bretlandi, Bandaríkjunum, Ástralíu og víðar. Inngönguskilyrði eru mismunandi en stúdentspróf og tónlistarmenntun og hæfileikar eru alltaf skilyrði. Á mörgum stöðum er líka inntökupróf þar sem áhugi, næmni og hæfni er metin.

          lesa meira

Músikþerapistar á Íslandi

Fyrsti íslenski músikþerapistinn heitir Eyjólfur Melsted og var hann fyrstur til að kynna músikþerapíu árið 1970. Hann starfaði bæði með fjölfatlaða á Kópavogshælinu og í Safamýraskóla. Hann býr og starfar nú í Austurríki. 11 Íslendingar hafa lokið námi í músikþerapíu svo vitað sé. Nokkrir í viðbót eru í námi og því fer óðum fjölgandi í stéttinni. Músikþerapistar á Íslandi hafa aðallega starfað með fötluðum en einnig hafa þeir unnið með aldraða, geðsjúka og fólk með líkamlega sjúkdóma. Fyrir utan sérskóla á vegum ríkisins hafa íslenskir músikþerapistar unnið á hinum ýmsu deildum Landspítalans. Síðan 1987 hefur Valgerður Jónsdóttir rekið Tónstofu Valgerðar þar sem 70 einstaklingar með sérþarfir hafa notið tónlistarsérkennslu og músikþerapíu í viku hverri.

lesa meira

[ Home ] [ Músikþerapía? ] [ Fyrir hvern? ] [ Stefnur og aðferðir ] [ Sagan ] [ Námið ] [ Ísland ]

Ef þú hefur athugasemdir varðandi síðuna getur þú sent póst á musiktherapia@simnet.is.