Tónlistarmeðferð - Tónræn myndleiðsla

Forsíða     Ýmislegt fróðlegt     Músikþerapía     GIM

GIM er stytting á enska heitinu "Guided Imagery and Music" og þýðir tónræn myndleiðsla. GIM er ein tegund af Músikþerapíu. Í GIM aðferðinni sameinast tónlist, slökunaræfingar, samtöl og listræn úrvinnsla. Aðferðin gefur sálrænum breytingarferlum tryggan og fagurfræðilegan ramma. GIM hvetur okkur til að nota okkar eigin hæfni til að finna skapandi lausnir á hversdagsvandamálum okkar sem og öðrum djúpstæðari. GIM er eins og að fara í ferðalag og koma svo heim aftur – ríkari af upplifunum og aðeins vitrari um sjálfan sig heldur en áður en maður lagði af stað.

 

Hvað getur GIM gert fyrir þig?

GIM getur haft áhrif á líkamlegt, sálrænt og andlegt ástand okkar. GIM getur aukið slökun og stuðlað þannig að aukinni vellíðan og bættum lífsgæðum. Fyrir suma er þessi upplifun aðallega afslappandi og upplífgandi en fyrir aðra inniber hún losun um sterkar tilfinningar og sársukafullar minningar. Margir fá þar að auki fallegar og jafnvel andlegar upplifanir.

lesa meira

Tónlistin

Tónlist endurspeglar tilfinningar og stemmningar, vekur hugartengsl og minningar. Tónlistin bæði hreyfir og fastheldur, ögrar og styður, skapar spennu og lausn með virðingu fyrir okkar eigin hugsunum.  Tónlist hefur áhrif á líkama og sál. Þess vegna erum við öll músikalskar verur. Þegar við hlustum á tónlist litast upplifun okkar af skilyrðum nútíðarinnar, en við upplifum líka út frá þeirri reynslu sem við berum með okkur. Við getum deilt tónlistarupplifunum hvort með öðru og á þann máta fengið nýjan skilning á okkur sjálfum og þeim aðstæðum sem að við lifum við. Í GIM er tónlistarupplifunin miðpunkturinn. Tónlistin sem notuð er, er sérvalin klassísk tónlist sem getur kallað fram innri upplifanir í formi mynda, líkamstilfinninga, hugsana, tilfinninga, minninga og fleiri slíkra.

Tónlistin tjáir hið ósegjanlega... þegar orð fá því ekki lýst.

lesa meira

Mannshugurinn

Mannshugurinn tjáir sig aðallega á þrjá vegu – í orðum, með líkamstjáningu og með innra myndmáli. Þetta innra myndmál sjáum við í draumórum, hugrenningum, hugsjónum, draumum, minningum, táknum, goðsögnum, osfrv. Í samspili við þetta innra myndmál getum við endurskoðað heimsmynd okkar, viðbragðsmunstur okkar og gildi. Þetta skapar jarðveg fyrir nýja þekkingu og skilning á okkur sjálfum og eigin gjörðum/viðbrögðum. Í GIM ferðumst við í okkar innra heimi þar sem lífsins þema sýnir sig í táknum og myndlíkingum.

lesa meira

GIM tíminn

Tíminn skiptist í fjóra hluta og varir oftast í 1 ½ klukkustund.

1. Inngangssamtal

2. Slökun

3. Tónlistarferðin

4. Lokasamtal

Einnig er stundum notast við mandöluteikningar og þá í inngangs- og/eða lokasamtölunum.

 lesa meira

Mandala

Mandalateikningar geta verið verðmæt viðbót við tónlistarferðirnar í GIM meðferðinni. Með þeim er hægt að á skapandi hátt að tjá innri upplifanir og þannig gera þér kleift að vinna úr upplifunum úr tónlistarferðunum. Mandölugerð krefst engrar kunnáttu eða hæfileika á sviði myndlistar því hún snýst um að tjá sig á orðlausan hátt. Mandölur eru mjög víða notaðar og þekktar úr ýmsum samfélögum í gegnum tímann

lesa meira

Nám í GIM

GIM námið tekur u.þ.b. þrjú ár og inntökuskilyrðin eru BA gráða. Námið jafngildir mastersgráðu og samanstendur af námskeiðum, eiginmeðferð, æfingarmeðferð, handleiðslu og skriflegum verkefnum.

 lesa meira

[ Home ] [ GIM fyrir þig? ] [ Tónlistin ] [ Mannshugurinn ] [ GIM tíminn ] [ Mandala ] [ Nám í GIM ]

Ef þú hefur athugasemdir varðandi síðuna getur þú sent póst á musiktherapia@simnet.is.